香港女子組合Cookies前成員吳雨霏（Kary），今年6月突然喺Facebook宣布暫停工作，休息一段時間。當時外界盛傳佢同老公洪立熙（Brian）「造人」成功，需要休養安胎。豈料，噚日好姊妹Miki宣布懷孕喜訊嘅同時，Kary卻傳出今年2月不幸流產嘅消息。
今早9時半左右，Kary於Instagram承認曾不幸流產，佢話：「沒想過開心的時間很短暫，轉眼間惡夢就開始了……我們失去了最珍貴的小生命，我們的心都碎了。」Kary話已經做咗所有嘅檢查，但都係搵唔到原因，佢痛心表示:「我心裡有一千個問號，為什麼會發生在我身上？是我做錯了什麼嗎？」
經歷傷痛，亦是成長嘅考驗。Kary表示同老公Brian都盡快收拾心情，最感恩係兩人能夠一起勇敢面對：「一起走過最黑暗的時候，也因為這件事，我們感情變得無比的堅固，更珍惜對方。人生一定會經歷高高低低，最低潮的時候能夠和他一起手牽手度過，這已是最大的禮物。」
下載APP