麥美恩在「開心無敵夾多士」遊戲中，與緋聞男友許文軒正面對撼，硬咀在他的額頭上。（相關機構圖片）
黎耀祥重新演繹多個經典金句，集體回憶返晒嚟。（相關機構圖片）
（左起）黎耀祥、陳自瑤、蕭正楠、黃浩然、張振朗及賴慰玲齊齊食辣辣壽桃。（相關機構圖片）
身為《開心無敵獎門人》「獎老」的麥美恩（Mayanne），在前晚（27日）一集「獎門人」巧遇緋聞男友許文軒（Edmond）做嘉賓，兩人被逼把緋聞擺上枱，全晚大耍花槍，場面搞笑。身為視帝的黎耀祥是晚同樣表現精靈兼過癮，視帝級演出，獲得全場掌聲。
緋聞男女麥美恩（Mayanne）和許文軒（Edmond）身上，兩人全晚大耍花槍，場面搞笑。兩人被安排在首個遊戲「開心無敵夾多士」同場上陣，Edmond全程怕醜仔上身，Mayanne則大方要求以正面和Edmond夾多士，最終兩人多士夾唔成， Mayanne更硬咀落Edmond的額頭，唇膏印留在Edmond額頭。之後Edmond進行大反擊，講出「十個Mayanne嫁唔出」的理由，竟瘋狂攻擊Mayanne「龍躉」、「胸太細」、「太大食」等，最後更爆料：「佢唔識煮飯，淨係識打邊爐。」真嘢攞出嚟講，認真大膽。
在玩爆波遊戲時，黎耀祥被要求說出「十個經典劇集金句」，祥哥即轉成視帝Mode講出：「人生有幾多個十年，最緊要痛快！」、「吔屎啦，梁非凡！」、「多情自古空餘恨，此恨綿綿無絕期」、「我假假哋都係天蓬元帥」強攻觀眾集體回憶。
下載APP