46歲性感「女神」鍾麗緹，同細12歲嘅內地男星張倫碩，今日喺北京舉行盛大婚禮。一早新郎張倫碩就率領兄弟團前往酒店迎親，各人手上都準備好開門利市，氣勢十足。一對新人跟足傳統習俗進行儀式，鍾麗緹著住紅色裙褂，配上宮廷系列珠寶，十分高貴；而張倫碩則以一身金黃色禮服現身，盡顯氣派。
據知，今次一對新人嘅裙褂、禮服來頭不少，係採用世界非物質文化遺產蘇繡工藝、針腳密實、五色真絲花線顏色過渡勻稱，繡法、盤金與平繡相結合，水紋用到四色漸變手工金箔線，耗時2,200小時打造，實行將紋樣嘅畫面栩栩如生，再配上中式頭髮設計同宮廷元素嘅珠寶，可謂完美結合。
下載APP