關心妍（Jade）日前為4月即將舉行的「關心妍Shine妍亮福音慈善演唱會」拍攝宣傳海報，Jade透露今次並非去年個唱「Part 2」，她說：「今次係紅館Part 2嘅期，但我哋會製作一個慈善演唱會，因為我有一個妍亮生命慈善基金，第一次喺咁大嘅場地做籌款演唱會，希望可以祝福香港嘅朋友。」Jade笑言冇諗過會獲批檔期搞騷，製作過程比以往更有難度：「諗住兩三年後先會批到期做演唱會，點知入完表格冇幾耐就真係批咗，重急過上年嘅騷！過年前啲人話我好瘦要食多啲嘢，一過完年知道要做騷又要Keep返同戒口。」
這次個唱，關心妍拒收歌酬之餘，更自發捐款希望達標，能免費邀請低收入同基層家庭、情緒病患康復者、中學生嚟睇騷。提到囡囡心心已為個唱做「預備」，更埋怨媽咪沒帶她影海報：「佢以為自己一定有份做呢個騷，不停提議唱咩歌好，同埋上次打筋斗太好評，我都唔知佢有冇其他新技能騷到畀大家睇。今日嚟影海報出門口，佢好緊張問我去邊，做乜唔帶佢嚟一齊影，心心已經當正自己係嘉賓之一。」
關心妍把本來用作個唱「Part 2」的檔期，改為舉行慈善騷。（相關機構圖片）
下載APP