興奮期待9月首個澳門個人騷

MC張天賦勤練舞滿足「賦二代」
30/08/2023
32592
收藏
分享
MC張天賦勤練舞滿足「賦二代」
MC張天賦勤練舞滿足「賦二代」
MC張天賦勤練舞滿足「賦二代」

MC 張天賦將於 9月30日及10月1日來澳門舉行《This is MC LIVE IN MACAU》演唱會。(相關機構圖片)

MC已急不及待叫澳門的「賦二代」介紹本地美食給他。(相關機構圖片)

今次澳門的《This is MC LIVE IN MACAU》個唱會以暗黑為主題。(相關機構圖片)

張天賦(MC)今年1月在香港紅館舉行的演唱會反應熱烈,而他的首個澳門個人演唱會《This is MC LIVE IN MACAU》,將會在9月30日及10月1日假威尼斯人金光綜藝館舉行,他透露今次舞臺會開足四面,年初在港演出時的超巿購物車亦會再出動。

MC曾透露在紅館騷起初的心情比較緊張,相隔半年多再開澳門站的演出,他坦言今次覺得好期待、好興奮!首次來澳開個人演唱會的他表示:「呢個係香港以外嘅第一個大型個人演唱會,好想知啲人嘅反應係咁、個場地係點,都係一啲正面嘅煩惱。今次演唱會叫《This is MC》,顧名思義係講到關於我喺音樂路上嘅影響,入面會有故事,有好多唔同類型嘅歌曲、唔同形象嘅MC畀你哋睇。」

他有信心經歷過第一次開騷後,獲得的經驗及教訓令他進步,今次會更加得心應手。問他會不會在開騷前有壓力,他答道:「最大壓力係嚟自跳舞同自彈自唱兩個環節,都會多啲練習。」

似乎一切都難不到信心滿滿的MC,談到對澳門的印象,他笑言:「覺得澳門好多好靚嘅酒店,同埋好多嘢食。其實香港同澳門兩地相距都好近,我覺得澳門嘅『賦二代』應該唔會相差太遠,希望佢哋多啲聽我嘅歌支持我,同埋介紹多啲澳門好玩同好食嘅地方畀我。」未來澳前MC已叫定本地的粉絲多介紹美食餐廳,「賦二代」們要識做了。

MC在今年上半年已推出〈世一〉、〈花海〉、〈第二人格〉及〈抽〉等四首單曲,又推出了首張大碟《This is MC》,還參與多場不同音樂會,對於今年的成績單,MC竟說對獎項沒太大期望:「坦白講,我做音樂冇為個獎出發,只係想分享多啲唔同類型嘅歌曲畀大家;可以令人感受到唔同嘅心情、唔同嘅溫度、唔同嘅時候。所以今年都係一樣做緊自己鍾意嘅嘢,希望大家都會鍾意。」

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

七日預報