盧冠廷傳授「唱得好」秘訣

林家謙:需要時間去消化
05/10/2023
26983
收藏
分享
林家謙:需要時間去消化
林家謙:需要時間去消化

盧冠廷(LoLo)繼去年與麥浚龍推出〈旋律.故事〉後,再次聯乘新生代音樂人推出新作〈列車上對著坐的兩個人〉。

盧冠廷與林家謙同為唱作人,聲線辦識度高,而且創作才華備受肯定,今次新作歌詞及編曲意境充滿電影感,單憑歌名已能為聽眾提供想像空間,處於同一個車廂內的音樂人懷著不同的心態展開一段音樂之旅。

盧冠廷與林家謙合作,曾經討論過要寫一首如〈The Sound of Silence〉般厲害的作品,LoLo笑言:「我要逼呢位小朋友超越自己嘅作曲水平。」及後再與監製葉廣權商討後,LoLo便寫了今次的新曲。林家謙表示花了很多時間消化歌曲,他說:「今次合作都頗大壓力,因為LoLo係一位好好嘅前輩,同埋音樂造詣好犀利。喺創作過程同諗點樣唱都消化咗好耐,我會諗係咪要學LoLo嘅唱法,但同時又要保留自己特色,喺呢一點取得一個平衡,其實一路都懷疑自己夾唔夾隻歌。」對於「懷疑自己」,LoLo如此回應:「呢位小朋友經常都懷疑自己做得啱唔啱,呢個雖然係一個缺憾,但係一個缺憾美,有佢嘅好處。因為要明白到,冇可能令全世界都鍾意你。你嘅作品有一部分人好鍾意已經足夠,如果要迎合所有人口味就會失去自我。我咁多年創作都係信自己,因為冇可能聽所有人嘅意見,唔係每一個都係你嘅producer嘛。」

LoLo還傳授了音樂「心法」給家謙,就是要「不去想」,他說:「諗與唔諗呢個問題,家謙重比較後生,都係用意識去諗去創作,如果可以接通天地線就會有可以打入人心嘅作品。同樣地唱歌都一樣,如果太在意去諗每粒音要點唱,設計出嚟嘅音色始於係設計,再甚者就係堆砌,要感動最簡單同時又係最難嘅,就係自然地由心而發。」家謙表示同意,但覺得需要時間去消化領略。 (編輯:游子欣)

盧冠廷聯乘新生代音樂人林家謙推出新歌〈列車上對著坐的兩個人〉。(相關機構圖片)

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

七日預報