許廷鏗（Alfred）早前宣布聖誕節期間將於假九龍的西九文化區竹翠公園舉行「SANTA JAMBOREE音楽生活祭リ」許廷鏗LIVE 2023演唱會。前日（6日）他推出新歌〈一場同學〉MV，邀得因情緒病而神隱半年多的好友鄭欣宜（Joyce）擔任女主角，Alfred亦透露好友目前狀況，暫仍未知Joyce會否也在他的年底個唱上登場。
與Alfred老友鬼鬼的Joyce首度公開露面便選在他的MV內出現，引起歌迷熱議紛紛表示被二人深厚感情感動，Alfred談到好友近況：「大家睇到佢演出都應該知道佢狀態真係好好，我地當日前拍足20個鐘，佢由朝到晚都一如以往咁專業同充滿正能量，令整個拍攝團隊都好歡樂！以我所知佢已經非常ready投入工作，好快大家會見到佢。作為朋友替佢開心，希望大家熱烈歡迎佢回歸！」
至於有否邀請好友睇騷，Alfred直言：「我何止約佢睇，我直頭邀請佢做嘉賓啦，大家都掛住舞台上嘅Joyce呀！不過佢重未應承我，你哋見到佢都幫我追追佢！」
近日Alfred除了宣傳新歌外，還為演唱會及場地內的聖誕市集忙過不停：「呢排不停開會同籌備都真係好忙，因為成個演唱會同市集咩都關我事，甚至聖誕市集內啲檔攤，全部都係我自己親自挑選，所有都係我鍾意嘅衣食住行小店。市集每日騷前都會開放，公眾免費入場，希望大家有個開心熱鬧嘅聖誕節。至於買飛入場嘅歌迷，建議早啲到，食買玩完就入場睇騷，由入場到離開都充滿節日氣氛。當去旅行，唔好浪費咗個聖誕節。」
除了策劃外，Alfred都忙於為演唱會健身、排舞及綵排，清減不少的他透露已經減去十多磅：「outdoor show係自己一直好想挑戰嘅，需要嘅體力真係比室內場大好多，加上今次繼續有WinWin同KC幫我排舞，佢地好有energy，所以我都要嚴陣以待。」
體能準備之外，聲音都要開始進入狀態，所以Alfred每星期都會上唱歌堂，對於演唱會內容，他難掩興奮：「你哋都知我係鍾意每場都有唔同歌單，所以要練好多歌，不過今次準備好多大家耳熟能詳嘅歌，到時一齊大合唱等我偷啲時間飲啖水。」他又大爆舞台都落足本超乎你所想，他笑言：「自己做老闆係可以任性少少，完全無錫住自己個荷包，所以大家幫手買晒啲飛佢啦，哈哈！」 （編輯：游子欣）
（左起）鄭欣宜因情緒病神隱大半年，突然在好友許廷鏗的新歌〈一場同學〉MV 中擔任女主角。（網上截圖）
（左起）許廷鏗在網上直播時也直言，感謝鄭欣宜對他的信任。（網上截圖）
鄭欣宜（左）休息大半年後，身型已回復昔日圓潤狀態。（網上截圖）
（左起）鄭欣宜選擇在好友許廷鏗的 MV 中復出而非自己公司的活動，早前她與公司不和的傳聞再度升溫。（相關機構圖片）
許廷鏗在12月24 至 26日舉行演唱會＋聖誕巿集，他透露已邀請欣宜做嘉賓，只等待她答允。（相關機構圖片）
（右起）許廷鏗感激欣宜在拍攝當日拍足 20 個鐘，非常專業及充滿正能量。（相關機構圖片）
下載APP