近日,微博同韓星網進行「微博最愛年度韓星選舉」,超過12萬人投出本年心水韓星同劇集,當中李敏鎬同全智賢主演嘅《藍海傳說》,以41.3%得票率獲封「最佳電視劇」,「最佳OST」就由《太陽的後裔》獲得。而「最佳電影」係人氣男團Big Bang嘅世界巡迴演唱會紀錄片《BIGBANG10 The Movie: BIGBANG MADE》,孔劉主演嘅人氣韓片《屍殺列車》則排第二。
至於歌手方面,今年最佳男、女歌手分別由Block B隊長Zico及少女時代隊長泰妍獲得,最佳新人係Big Bang師妹團Black Pink,最佳樂團表演係CNBLUE。而EXO就以35.7%得票率,力壓Big Bang,成為本年最佳男子團體,最佳女子團體就由少女時代奪得。