陳奕迅（Eason）憑歌曲〈四季〉喺「叱吒樂壇頒獎典禮」奪得至尊歌曲大獎。當晚Eason突然空降頒獎禮，為觀眾帶嚟驚喜。不過，喺獻唱得獎歌曲時，Eason卻罕有兩度失準忘詞，令場面有啲尷尬。日前，Eason接受電台訪問，佢多謝粉絲一直以嚟對自己嘅支持，並為當晚兩度甩嘴解畫：「本來首歌唔係我嘅，我三年前錄咗之後未唱過，所以今次係炒粉，唔係甩咗少少。」
陳奕迅獻唱得獎歌曲時，罕有兩度失準忘詞，令場面有啲尷尬。
Eason話當日落機就趕去頒獎禮，所以渾渾噩噩，佢話：「如果想聽完整版本可以聽碟，如果想睇Drama就睇頒獎禮嘅表演。」Eason透露嚟緊會籌備新歌，但唔一定係廣東歌：「做音樂未必係要咩語言，而係有咩想講，今次好有機會係國語碟，因為同廣東碟梅花間竹咁出。」問佢有冇計劃再度開唱？Eason話：「會暫停，呢幾年不斷做啲幾萬人嘅場，忽然想做下細場，甚至想去學校唱。」
陳奕迅突然空降頒獎禮現場，為觀眾帶嚟驚喜。
下載APP