韓國男星池晟、嚴基俊及少女時代成員Yuri主演嘅新劇《被告人》，自開播以嚟收視節節攀升，一直穩坐同時段收視冠軍，當中劇迷最欣賞池晟同嚴基俊喺劇中大鬥演技。喺周一播出嘅第九集中，池晟為咗喺殺死其妻子真兇嚴基俊面前繼續扮失憶，一直強忍心中怒火，仲要狼吞虎嚥食晒成個忌廉包。呢個場面令觀眾睇到既憤怒又心酸，同時又覺得池晟嘅食相十分可愛。
而池晟呢個食麵包場面，更帶挈該款忌廉包賣斷市，被網民稱為「池晟麵包」、「3866（池晟於劇中囚衣號碼）麵包」。就連有得出售該款麵包嘅7-11便利店，都喺社交網站貼出池晟嘅劇照抽水，並表示：「放下我的麵包！我的麵包！我的麵包！果然麵包還是要吃忌廉包！池晟的麵包演技，3866！」
下載APP