近日,被傳媒踢爆背著未婚妻偷食何雁詩嘅TVB藝人鄭俊弘(Fred),被形容為世紀賤男,事後佢一直無回應事件。
今日下午大約6點30左右,鄭俊弘突然與何雁詩與現身機場,兩人十指緊扣接受訪問,解釋現時嘅關係。鄭俊弘首先開腔:「我知道近日發生咗好多事情,令到大家、屋企人都好擔心,所以我要出嚟澄清一啲嘢。」
深呼吸一口氣後,鄭俊弘再說:「我同何雁詩一路以嚟都係好好朋友嘅關係,我哋無論音樂、人生上嘅觀點都好相似。我一向對於感情都係好低調,所以之前嗰段感情係冇人知,而家已經終結咗喇,原因係我尊重同保護對方,我就唔會再多講。」
有傳媒問兩人現在是否拍拖?鄭俊弘就話:「我承認係我處理得唔好,我好多謝何雁詩對我嘅愛護同信任。我同何雁詩呢段感情啱啱開始,起初選擇唔公開,但因為噚晚一個報道,我一定要企出嚟同大家澄清。
有記者追問兩人到底拍拖多久?鄭俊弘又是否涉及一腳踏兩船?何雁詩就搶答:「時間就唔講。(而家同居?)唔係!」鄭俊弘亦開口:「大家祝福我哋,畀啲空間我哋,希望有一段美麗嘅關係。」