現年33歲嘅內地女星白百何同男歌手陳羽凡結婚多年，兩人育有一子，近年不時傳出兩人婚變嘅傳聞，更有報道話佢哋已於2014年簽紙離婚。不過，當時陳羽凡喺微博否認其事，仲話會追究法律責任。今日，有內地媒體大爆白百何同一名「小鮮肉」同遊泰國，其間兩人喺酒店泳池嬉水，「小鮮肉」仲肉緊到有生理反應。
據內地媒體報道，白百何同助理於2月17日一同到泰國入住某別墅，其後別墅出現另一名年輕男子。兩人於泳池嬉戲，白百何未有落水，但就不斷餵該名男子食嘢，又不斷幫對方影相。之後男子上水後，走到白百何身邊，更將頭靠向對方，行為親暱。情到濃時，白百何更當眾輕吻對方，男子更疑似有生理反應。消息曝光後，即時惹嚟網民熱議，更有人開動「人肉」搜尋，發現該名「小鮮肉」係內地模特兒張愛明。
下載APP