昨日，陳奕迅（Eason）、陳國坤、李榮浩、李一桐及劉浩龍等為主演的新戲《臥底巨星》，進行造型拜神儀式。Eason以一身粉紅色唐裝亮相，造型有點像成龍，而他在戲中的角色也是動作巨星，問到是否模仿成龍？Eason說：「並非單一係成龍，可以係洪金寶及其他外國打星，戲中造型好姣，套套都係粉紅色，過年都著得。」
陳奕迅在戲中模仿成龍，但他表示無意醜化對方。
在接受訪問時，Eason表示自小看成龍電影長大，動作表情上都會不經意流露成龍的神情：「原本我嘅動作唔係好靈活，但扮成龍嘅小動作就似模似樣，細細個睇佢啲戲，有啲影子。」問到會否擔心醜化成龍形象？Eason說：「就算有都係唔覺意，唔係特登嘅，我諗導演識剪。」
人氣急升的內地女星李一桐，第一次參與電影演出。
Eason親身拍打戲
陳國坤透露Eason在片中有不少動作戲，他說：「佢有接受專門訓練，好多動作都嚟真，對佢好有信心。」陳國坤兒子陳真現時一歲多，他透露和老婆黃伊汶有意追生第二胎：「都想追多個，而家努力緊，等陳真大少少，我覺得仔女都冇乜所謂，最緊要老婆肯生。」
陳奕迅、李一桐、李榮浩等為新戲進行造型拜神儀式。
李一桐首度拍電影
因演出新版《射鵰英雄傳》而人氣急升的內地女星李一桐，今次首度參與電影拍攝，她透露片中和李榮浩有感情線。問到會否擔心李榮浩女友楊丞琳呷醋？她表示：「歡迎她來探班，我們只是工作。」談及新版《射鵰英雄傳》在TVB播出後引來熱烈回響，李一桐說：「很感動，非常開心。」
下載APP