現年34歲嘅蔡卓妍(阿Sa),自2015年同陳偉霆分手後,全程投入工作。不過,今日阿Sa被爆戀上「百億麻將館太子爺」石恆聰(Anthony),佢被拍到上周日兩度前往男方寓所過夜,報道指兩人於今年4月開始拍拖。消息曝光後,阿Sa透過媒體回應:「而家好開心,多謝大家關心,其他唔講咁多了。」
據了解,阿Sa新歡Anthony係連詩雅舊愛。連詩雅與Anthony喺2014年撻着後,三年間一直離離合合。兩人於今年2月正式分手後,連詩雅一直想復合,知道阿Sa同Anthony一齊後,佢都冇放棄,但係Anthony媽媽比較喜歡阿Sa,覺得阿Sa有本事搵銀,而唔係貪兒子啲錢。