萬眾期待的Sanrio年度大型鉅獻──「Our Sanrio Times」將於7月28日至9月3日假澳門新濠影滙 8號轉播廳隆重舉行，相信好多Hello Kitty、My Melodey狂迷已經Mark實以上日子，但究竟場內有啲乜嘢睇同買，可能大家都未知。本報記者今日偷偷地潛入會場內實地考察，差啲搞到被困喺一條神秘隧道入面，出唔返嚟！
展覽共有15個主題場景，當中四大亮點包括：100個Sanrio經典角色首次齊集現身的「Sanrio小鎮」；首次於澳門展示Sanrio第一件售賣的商品 - Hello Kitty小錢包仿製品；逾400件來自香港、日本及美國的經典珍藏；由Sanrio日本總部的設計師團隊特別為是次展覽準的親筆手繪等等。除此之外，高達3.5米的巨型Hello Kitty毛公仔亦將會震撼登場，可愛程度爆燈！而相信最令Sanrio粉絲為之瘋狂的，必定是走進由2,000隻Sanrio家族成員毛公仔砌成的隧道，絕對係影相selfie打卡呃Like嘅熱門地段，到時肯定引起大塞車！
會場限定必掃精品
「Our Sanrio Times」場內會有大量會場限定商品發售，當中更設有首輪會場限定商品，勢必掀起第一浪搶購熱潮。想知有乜嘢必掃產品，就要繼續留意力報直擊喇！
3.5米高的超巨型毛公仔，展示100個Sanrio家族成員共超過2,000個毛公仔隧道震撼登場！
下載APP