內地歌唱比賽節目《中國新歌聲2》（前身為《中國好聲音》），邀請陳奕迅（Eason）、周杰倫、那英及劉歡擔任導師，成為節目最大看頭。近期比賽剛剛落幕，Eason即於節目中大爆當中黑幕，他透露曾在錄影時受到導演指示，要他和那英「按一下」選擇某名參賽者，疑似有造馬之嫌，此言一出，即時引來網民熱議。
陳奕迅大爆《中國新歌聲2》黑幕，引來網民熱烈討論。
陳奕迅在錄影時受到導演指示，選擇某名參賽者，疑似有造馬之嫌。
近日，Eason現身ViuTV節目《吹臣》，面對陶傑、卓韻芝、鄒凱光及林二汶等八位主持人訪問，問到為何擔任《中國新歌聲2》的導師，Eason表示：「其實第一季已經搵我做，但當時我做緊巡迴，所以就唔想嘥人哋時間，因為要四個月，加埋每日都要錄好耐時間，錄成十個鐘。今年冇安排演唱會，所以先有空檔去參加。」
陳奕迅在總決賽上和參賽者一起合唱。
陳奕迅現身ViuTV 節目，宣傳音樂劇《短暫的婚姻》。
觀眾收錢搞氣氛
問到節目現場有觀眾收錢營造氣氛，Eason表示：「我係節目出街先知道嗰啲， 因為呢個係贊助，或者之前幾季都有。」對於現場觀眾反應太誇張，他坦言：「啲觀眾其實好慘，只係得個飯盒，有時錄到凌晨兩點，佢哋都要表現好興奮，其實已經錄到好攰，聽到都覺得。呢個節目冇咩喊，我唔敢講一定係，但我都唔會否認有呢啲畫面。」
淘汰選手再現身
Eason透露當初「盲選」學員時，覺得有個參賽者唱得不錯，但不至於好到可以過關，其他三名導師亦沒有轉身，但之後這名參賽者再度出現在舞台上：「我覺得把聲有啲熟，點解佢又會再出現.？」Eason指自己依舊沒有撳製轉身，但導演卻指示他和那英：「按一下，按一下。」他解釋當時另一導師劉歡已轉身，導演才會叫他按下去，這樣才有戲劇性。
靚女提高可觀性
問到該名參賽者是否真的被淘汰了，Eason 直言：「係，冇改造型，著番同一套衫，我真係齋聽已經認到。」他表示事後有問導演是不是認識參賽者：「導演話唔係，係因為上次我哋四個都覺得佢OK，所以先畀多次機會佢。嗰女仔係OK嘅，喺外形上，我哋係聽啫，但觀眾係睇.嘛，梗係有啲嘢，有著短褲，有啲腳睇嚇，即刻醒神啲喇，好正常。」
陳奕迅指該名參賽者外型不錯，提高節目可觀性。
下載APP