澳門街人多車更多，截至2017年12月，本澳註冊機動車高達二十四萬多輛，相信各位有車之士更是感慨良多。澳門車多路窄，路面經常塞到處處車龍，當你於放工時間駕駛着你的愛車，歸心似箭之時就會發覺原來回家之路是「這麼近，又那麼遠」。
澳門市民時常抱怨搭車難，揸車又寸步難行，但其實泊車更是難上加難。假若有日你於辦公時間在中區找到一個咪錶車位，就簡直有如天降甘露，但原來即使有甘露，亦並非人人能嘗。皆因澳門有智能化電子咪錶，但究竟此咪錶設計是智能，還是低能？
近日有網民於社交平台上開post抱怨，泊車後使用智能化咪錶入錶時，「嘟澳門通又唔得，入6蚊就食2蚊」、「價就識加，服務又差，智能到澳門通又唔得，入銀又食錢」。此post一出，即時激起眾網民「嬲嬲」之情，紛紛於鍵盤前和議：「頭先食左(咗)我個5蚊，唔可以入太快，正一垃圾機」、「嘟卡唔得，連入銀都要接(撞)手神先入到，真係唔知智能定低能」、「泊車位地上啲號碼又朦，又斜又肉酸，影響市容」、「Hang機都係特色之一」、「有時連錢都入唔到，要重複用不同力度才能入一個」⋯⋯至今累積共有二百多個留言，眾網民對此「智能化」電子咪錶之不滿，可見一斑。
抱怨聲音不止於網上，街上的咪錶「用家」同樣怨聲載道：「我覺得以前嘅仲好用啊」 、「絕對係舊咪錶好啲」 、「成日都冇反應，入左錢之後冇反應」、 「有時地下啲number會唔清晰，甩咗色，會睇唔到」 、「都有試過hang機，入錢嘅地方唔用力推都唔會有反應」 、「成日㩒一次兩次冇反應，要再㩒多好多次先有反應」、「會成日篤唔到啲數字，會hang機」 等等。全城由網民至真實用家均同聲鬧爆智能咪錶反智，罪狀均是「食錢」或「不食錢」、觸控反應非常慢及經常hang機(當機)，難道各位市民皆認為舊版較好?
下載APP