交通事務局計劃於今年5月前完成更換全澳逾11,000個泊車咪錶，更換為「一錶多管」的智能電子咪錶，目前有95%已更換，其餘未更換主要有些是政府計劃取消，或工程仍在進行中。新咪表可接受兩種以上電子支付，包括可使用「澳門通」，亦可使用「五元硬幣」及吐出不合規格的外幣。目前部分地區的泊車咪錶，已更換為智能電子咪錶並投入使用，但近日有市民於社交平台上開post抱怨，市民紛紛回響，批評智能咪錶未能方便用家。泊車管理公司回應稱，正與交通局溝通及改善。
交通局計劃今年5月前將全澳逾11,000個路邊泊車咪表，全部更換成智能咪表。 （陳宇東攝）
咪錶公司貼出指示市民用新設備。（陳宇東攝）
市民在網上投訴稱，泊車後使用入錶時，「嘟『澳門通』又唔得，入『六蚊』就食『兩蚊』」、「智能到『澳門通』又唔得，入銀又食錢」。post一出，其他網民紛紛於鍵盤前和議：「頭先食咗我個『五蚊』，唔可以入太快，正一垃圾機」、「嘟卡唔得，連入銀都要撞手先入到，真係唔知『智能』定『低能』」、「Hang機都係特色之一」、「有時連錢都入唔到，要重複用不同力度才能入一個」。
現時路邊泊車咪錶仍有5%未更換。 （資料圖片）
抱怨經常冇反應
抱怨聲音不止於網上，街上咪錶「用家」同樣怨聲載道：「成日都冇反應，入咗錢之後冇反應」、「有時地下啲number（號碼）唔清晰，甩咗色，會睇唔到」、「都有試過hang機，入錢嘅地方唔用力推都唔會有反應」、「成日捺一次兩次冇反應，要再捺多好多次先有反應」、「會成日篤唔到啲數字，會hang機」。
市民都有試過hang機，入錢嘅地方唔用力推都唔會有反應 （陳宇陳攝）
服務等配套跟不上
在智慧電子咪錶入泊車費市民Tony，接受《力報》訪問時表示，有一次滿心歡喜見到有個咪錶位，於是泊好車後走到智能咪錶跟前，「行到埋去見寫住DONOT PARK（唔好泊車)，跟住就打去咪錶公司客服問係咪唔泊得」，公司就話：「係！唔泊得，你要揸走佢」。Tony覺得非常擾民；更有試過被「食銀」及「唔食銀」，及後同樣致電客服，卻被告知要待師傅修理後再入銀，但不知何時修好，只好把車駛走，令當時正趕著返 工開會的Tony倍感無奈。
Tony表示，新咪錶設計擾民，令泊車情況倒退，望當局正視。 （陳宇東攝）
地上泊位號不清晰地線上的泊位號碼，也對新咪錶使用產生嚴重影響。Tony指：「車位地線號碼成日都冇嘅，要去估，如果係斜路車位就更加麻煩，需要由斜路頂走到斜路底去估所泊車位嘅號碼」。因為新咪錶需輸入車位號碼付費，所以用家需要清楚看到泊位號碼才能使用。
使用操作不夠方便
Tony表示，還有不便之處，咪錶設有拍卡付款本來是方便的，但「如果你用卡，泊兩個鐘『12蚊』，捺咗OK之後，仲要捺個箭嘴12次先可以成功畀錢」。同時，咪錶顯示反應慢，實在令人困擾。Tony呼籲政府跟進問題：「呢個係令成個泊車情況倒退，希望政府能夠正視」。
有市民於社交平台上開post抱怨，智慧咪錶未能方便用家，表現「低能」。 （陳宇東攝）
下載APP