「阿X，點解你咁多錢嘅?」，「MXC就係好賺錢㗎啦，唔使講。」這段片長約九秒的數錢影片，最近不斷在很多朋友的微信中瘋傳，而最令人感到誇張的，是桌上放滿一大堆的港幣和人民幣，究竟「MXC」是甚麼東西，可以賺錢多到放滿桌上？而從收到有關該公司的概念Power Point中顯示，他們更聲稱項目原理源自量子、光速及能量振動等物理因數，相當吊詭。
最近有讀者向本報爆料，指有一疑似是層壓式直銷集團，不斷在澳門招攬會員加盟，有位自稱是MXC的成員不斷游說讀者加入MXC並投資其概念。
成員會透過微信交換資訊。(讀者提供相片)
「我哋最終目的其實係推一個叫脈動手環，一個智能嘅手錶，而呢個手錶就係測試人體所有脈動嘅嘢，譬如話你有咩病都測到，又或者你缺一啲維他命都測到，佢最有趣嘅功能係可以同你配對埋。」
這手環不只能甚麼都測試到，據此成員所講，它更可以把配帶者的健康轉化為財富，是金錢那種財富！「呢個脈動手環會自我生成錢，點解咁講呢？因為佢會自我生成數字貨幣，之後你去商城買嘢，即係你有冇見過一啲商城嘅舖收比特幣再加現金去購買產品呢？其實而家啲商城已經做到咁啦。你嘅健康會生成錢，譬如你愈健康，你就會有愈多嘅MXC COIN，咁到時我哋會連結埋商城，去用MXC COIN轉做現金咁交易，亦都會推動到市面上直接俾錢。」
根據這位成員所講，其MXC COIN是一種電子貨幣，更媲美比特幣的價值，而可以生成MXC COIN的手環，到底價值多少？「呢隻脈動手環只係賣7,000人仔(人民幣)。(有無喺手可以睇睇?)而家無啊，因為第一批喺首腦度。」
由相片可見，入會費可收取港幣及人民幣。(讀書提供相片)
該成員除了聲稱可以用MXC COIN來賺錢外，她亦聲稱其公司入會方式也可以賺錢：「我哋拆分會食得比較多錢，因為有對碰獎金同推薦獎金，例如呢一個循環三角，呢個係你，你如果(叫人)開多個戶口或者呢度再開戶口，例如你搵咗下線，佢係你的朋友，而另外嗰個係你男朋友，都係你下線，咁你開咗一個三萬五蚊戶口，咁你呢度會有個對碰獎金(上跟左下及右下、左跟右)，就食呢啲獎金，意思即係你愈開得多戶口，你食嘅獎金愈多，因為佢係計百份比。愈多人加入，你就有愈多錢收，推薦獎金係會乘返你開戶口銀碼嘅0.09倍，對碰一樣。」
不只是入會方式及MXC COIN能賺錢，成員稱，其入會後的錢會在八個月後自動會增加2.56倍：「我哋轉咗數字貨幣形式後就會鎖倉八個月，即係當你投資本金係幾多嘅時候，到期時就會乘返2.56倍嘅收益走，呢個係最低嘅保障。」
「而家嘅門檻都好低，你7,000(人民幣)或者21,000(人民幣)或者35,000(人民幣)都可以入場，只不過我覺得7,000蚊嘅收益係比較低。」只要7,000人民幣就已經可以入會賺大錢，聽那成員講真的好像是賺錢不是難事一樣，而她也向讀者說，其公司主要目的是要吸粉絲上市，賺更多的錢:「我哋最終嘅目的，係推呢個叫脈動手環，呢個直銷產品去上市，而家先係做呢個叫吸粉絲嘅動作。我哋分三步嘅，第一步係拆分，拆分會令到我哋呢啲小股東賺到錢之後，就會推第二步，數字貨幣(MXC COIN)，第二步數字貨幣之後就會到第三步，我哋第三步就係推佢上市。」
有MXC成員經常在微信上上載其成功入會賺錢的資料及片段。(讀者提供相片)
入場費只是入場費，不包括手環，根據成員所講，手環是要另外付錢購買的。而從讀者提供的另一片段中見到那脈動手環，外表跟普通的觸控電子錶差不多，把它說成錶會比手環更適合。而記者根據手錶上的包裝資料從網上搜尋，但找不到任何關於此手錶的資料，同時在網上也找不到關於任何MXC公司的資料。據知，該公司源於新加坡，但最近正向全球招攬會員，包括港澳地區。
這隻疑似是該公司所講的脈動手環，看上去更似是一隻手錶。(讀者提供相片)
大律師趙祟明看過有關資料後，認為該集團有可能涉及犯法的層壓式銷售手法，但要視乎該計劃:「如果筆錢拎返嚟實際上無做任何嘢，只不過係透過一啲講法、一啲概念不斷吸引資金入去，而本身入邊嘅人就去分呢啲錢，即係不斷有人入會拎新錢入黎就去分錢，無去做實際商業活動，咁如果係咁就算係一種層壓式銷售，當然活動入面可以通過一啲無實際用途嘅嘢例如買香薰、燈啊、幾萬蚊去買唔值錢嘅嘢，其實目的係要你俾錢入嚟，拎一個資格，而呢個資格可以化成某種概念，例如我就係某個計劃嘅股東、或者投資者，如果係咁就係層壓式銷售。」
除了有可能涉及層壓式銷售手法，該集團也有可能涉及詐騙及未經許可接受存款，但要視乎該計劃的真偽及有沒有相關投資牌照。
而根據澳門有關觸犯層壓式銷售手法的刑罰的七月十五日第6/96/M號法律
第二十八—A條
（層壓式傳銷）
一、發起或組織第四十五—A條所指的層壓式傳銷者，處最高三年徒刑或科不少於一百二十日罰金。
二、如因上款所指的任何行為而造成的總財產損失：
a）屬巨額者，行為人處最高五年徒刑或科最高六百日罰金；
b）屬相當巨額者，行為人處二年至十年徒刑，如屬第三條第一款所指實體，科一百日至八百日罰金，且不影響其他可科處的刑罰。
三、招攬他人加入層壓式傳銷者，處最高六個月徒刑或科最高六十日罰金。
四、上款所指犯罪如屬過失之情況，行為人科最高六十日罰金。
早在上年7月份，大陸警方已破獲一宗名為「MEC麥加幣網絡傳銷」的騙案，當時有6,000多人被騙，涉及金額為1.3億元人民幣。
大律師趙崇明看過有過資料後認為該公司有可能涉及層壓式推銷這一犯罪行為。
下載APP