畀鱷魚咬到會有幾痛幾傷？美國俄亥俄州動物專家彼得森（Coyote Peterson）為咗體驗一下鱷魚嘅牙力，竟然將手臂伸畀一條長達1.6米、重20磅的兩歲大美洲短吻鱷「Junior」咬達七分鐘。
片中彼得森輕拍「Junior」嘅咀，當「Junior」打開口後，佢再將手臂伸向「Junior」，閃電間「Junior」一啖就咬住彼得森手臂。彼得森一邊強忍痛楚，一邊旁述。佢形容：「感覺就好似有好多針紮喺手臂度，我睇到鱷魚嘅牙深深咬穿我嘅皮膚。」幾十秒後，當彼得森嘗試鬆開「Junior」口，但牠就繼續咬緊唔放，好彩助手提醒，用木棍頂開口甩身，不過被咬嘅手臂啲血系咁流並布滿可怕嘅牙印。彼得森提醒大家，如果將鱷魚當成寵物飼養，一個唔覺意就好可能會發生同類意外。
下載APP