由郭晉安、林文龍、楊怡等主演的TVB劇集《再創世紀》正在播映中。剛於加拿大誕下麟兒的鍾嘉欣，及於加國定居多年的李婉華有份客串，兩人雖然無返港宣傳，但亦有隔空拍片造勢。正在坐月的鍾嘉欣自爆瞞著老公「偷走」離家拍片，身穿牛仔褸的她相當精神，無論身形、面形完全沒有走樣。 （文：植筱詩）
鍾嘉欣上月誕下兒子Jared。
在短片中， 李婉華自言已沒有拍劇十多年，今次過足戲癮，又讚大家都很專業，拍攝完畢很不捨。正在加國坐月的鍾嘉欣身穿牛仔褸，相當精神，無論身形、面形，生完第二胎都完全沒有走樣，她在片中自爆偷偷溜出家門拍片：「我其實呢係偷偷哋竄出嚟， 因為我坐緊月呀！」
鍾嘉欣剛剛生完囝囝儲成「好」字， 大批網民送上祝福。
正在坐月的鍾嘉欣無論身形、面形都完全沒有走樣。
感激劇組遠赴加國
鍾嘉欣坦言，今次有機會參演十分開心，亦好感激TVB遠赴溫哥華：「好多謝TVB畀呢個機會我，喺我現時居住嘅地方拍攝，畀我一個機會再演番戲，由生咗個女Kelly之後，到而家已經一、兩年？唔記得咗幾多年係冇拍戲，所以真係好開心。」鍾嘉欣說話期間不時聽到BB女的叫聲，相信Kelly在媽媽旁邊都玩得好開心。
鍾嘉欣感激TVB為遷就自己，遠赴溫哥華取景拍攝。
開心與林文龍再合作
鍾嘉欣又提到拍檔林文龍，更以龍爺稱呼對方：「原來同林文龍龍爺之前拍過嘅戲係12年前，嗰陣時叫做《法證先鋒》，而家大家成為咗父母，再可以一齊演戲真係好高興，好多謝龍爺佢好有耐性，喺我好緊張嘅時候佢畀咗好多鼓勵我，畀我信心去做到最好。」
繼《法證先鋒》系列後， 林文龍和鍾嘉欣相隔12年再度合作。
楊怡否認戒酒為生B
另一邊廂，日前林文龍、郭晉安、楊怡等現身宣傳活動為新劇造勢。郭晉安和楊怡笑林文龍讀不到字條上細小的抽獎號碼，暗諷對方視力差疑有老花。對於有報道指，楊怡為調理身體生BB 而戒酒，她澄清自己並不喜歡飲酒，只是間中跟朋友食飯才會飲。提到老公羅仲謙打算於名校網附近置業， 楊怡否認：「未有搬屋打算，將來會請教郭晉安教育子女心得。」
郭晉安和楊怡笑林文龍（左）視力差，疑有老花。
郭晉安和楊怡在片中的對手戲獲觀眾激讚。
家中產子勇氣非凡
談及鍾嘉欣於短片中感謝林文龍，他坦言兩人在拍攝新劇前，已經好多年沒有見面，更指相比當年拍攝《法證先鋒》系列時，如今鍾嘉欣變得十分開朗：「而家會主動溝通，以前嘅佢會驚，唔敢講，但而家乜都講。佢講同老公相識到結婚、生小朋友同之後嘅計劃，所以大家唔使訪問嘉欣，問我就得。」對於鍾嘉欣近日誕下麟兒，林文龍大讚對方在家產子有勇氣，值得鼓掌。
鍾嘉欣2015年和圈外男友結婚，次年誕下大女Kelly。
下載APP