張敬軒早前為澳洲旅遊局拍攝的「天才遊童－澳洲篇」，與Donald（當奴）去澳洲多個地方取景。在陽光與海灘的Bondi Beach，兩個大男孩話要做Beach boy體驗滑浪，兩個搞笑高手去旅行，沿途互嘲又大講有味笑話玩到癲。
做Beach boy前當然要去shopping買「泳衣」，軒仔笑問售貨員有沒有童裝碼給當奴試，令當奴非常尷尬。試身後兩人自覺好益街坊出試身室亮相，由頭包到落腳嘅貼身「水着look」將兩人身型表露無遺。其間當奴還撃軒仔，指換衫時見到軒仔一個神秘部位有個好細紋身：「個『米』字紋身其實人人都有。」軒仔亦不甘示弱，指著穿起滑浪服的當奴笑說：「蟻俠啲Friend『矮俠』。」
兩人到達Bondi Beach，就如電影《激戰》裡的「賤輝」上身，打拳膝撞頭頂籃跑沙灘爬樓梯，令人發笑。到正式跟滑浪教練做熱身及陸上模擬動作，當奴坦言：「我咁大個仔未試過滑浪，我驚一陣滑浪變咗滑稽。」
終於落海實戰，兩人持續搞笑，不下數十次不斷跌落水，在兩多個小時後，大家都出現疲態，最後軒仔終於掌握到上板竅門，成功企起身踩浪兼維持三秒左右，同行工作人員都忍不住拍手歡呼，直呼感動到喊！對於成功做到三秒Beach boy滑浪男孩，軒仔話超級好玩但比想象中難，「除咗平衡，重要食番個浪嘅走向，不過我呢啲天才兒童都好快上手，哈哈。」
（文：游子欣，圖：相關機構提供）
(張敬軒與Donald在澳洲Bondi Beach，與外籍教練體驗滑浪之旅。)
下載APP