日本恐怖電影《貞子vs伽椰子》搵嚟《午夜凶鈴》嘅「貞子」惡鬥《咒怨》嘅「伽椰子」，原本成個構思最初只係一個愚人節嘅笑話，點知最後竟然拍出電影，令唔少網民都熱烈討論。由於電影即將上映，所以電影公司就拍咗幾條宣傳短片，教觀眾要遵守戲院嘅規定。當中內容包括：觀影禮儀、青少年保護條例、爆谷推薦等，而「貞子」就拎住自己嘅招牌詛咒錄影帶，同觀眾講禁止喺電影播放中攝影；而「伽椰子」就不斷發出怪聲，以反面宣傳唔可以喺播片途中發出怪聲。
另外，「貞子」因為頭髮太長，被呼籲被剪掉；而「伽椰子」因為仔仔「俊雄」未夠18歲，所以唔可以睇某些電影，網民睇完就話似笑片多過似恐怖片。
下載APP