想同竇靖童合作

昨日，陳奕迅（Eason）出席慈善活動時，談到近日出道的王菲女兒竇靖童（童童），Eason坦言非常欣賞童童，希望有機會可以和她一起合作。談及外界非常關注童童的性取向，Eason表示讀者都會對這方面特別感興趣。問到Eason會否擔心女兒康堤的性取向時，他直言：「我思想開放，唔會介意！其實心靈溝通更重要！」

陳奕迅希望有機會可以與竇靖童一起合作。

談及Eason曾公開表示欣賞王菲女兒童童，會不會希望女兒和童童多點交流？Eason表示：「童童經常都唔喺香港，不過有機會希望多啲交流，但佢哋兩個都好怕羞。」Eason坦言希望和童童有機會合作，他說：「真係好想合作，但童童好似唱英文歌多啲。其實我真係覺得佢好正、好有型。」

陳奕迅表示非常欣賞竇靖童，更大讚對方好正、好有型。

自費出碟唱英文歌

Eason坦言剛開始聽童童的音樂時，都覺得她很有王菲的影子，但了解多些後就會發覺兩者不同。Eason說：「童童唱英文歌好有外國人嘅Feel，我自己識英文都明。其實我都好想唱英文歌，不過公司話唔係主要市場。我成日都希望公司畀機會我任性一次，最多我自己畀錢出碟，出單曲都得！」

問到會否擔心女兒性取向？陳奕迅認為心靈溝通更重要。

唔會介意女兒性取向

對於外界關注童童的性取向多過音樂，Eason表示：「冇辦法啦！讀者對呢方面嘅新聞特別感興趣，個心好Open，但係又怕羞。」問身為爸爸的Eason，若女兒是同性戀會不會接受不了？Eason說：「其實都係正常，我覺得冇乜所謂，每個人都要揀自己條路，肉體唔重要，心靈上嘅溝通先係最重要！」