農曆新年過咗咁耐，終於等到復活節長假期，一有長假，好多人都心思思想去旅行。不過適逢大時大節，再帶埋一家大細，機票一定貴，出遊成本又高好多。其實想一家人盡享天倫樂，又唔一定要坐飛機，因為澳門本地都有源源不絕的精彩節日活動。無論是想親親大自然去野餐、邊玩邊學工作坊，還是走進冰天雪地玩個痛快，通通都近在咫尺。今個假期一於輕鬆留澳，同屋企人共敘天倫，度過一個悠閒的復活節。
翠綠草地野餐
放假當然要親親大自然，除了行山之外，到郊外野餐，在綠草地上放任狂奔，也是親近大自然的好方法。不過，野餐既要找個充滿自然氣息的地方，又要準備食物，似乎在澳門好難成行？好在，鷺環海天度假酒店就有貼心節日計劃，只要提早預訂，酒店就會幫忙預備野餐所需物品，由美食、凍飲，以至野餐籃、太陽傘、蓆子、咕??都一應俱全！ 難得的是，酒店坐擁澳門難能可貴的藍天海景，吹來陣陣清涼海風，加上四處有綠油油草地， 再有樹蔭遮光，齊備最好的野餐環境。而所提供的食物亦很豐富，包括吞拿魚青瓜雞蛋三文治、番茄莫薩里拉芝士三文治和凱撒沙律等。另外還有精緻甜品、朱古力蛋糕和復活節限定復活蛋麵包，以及一大桶冰涼飲品，足夠一家四口Hea足一個下午。不過，最重要當然還是能與摯親一起，在和煦陽光和大自然懷抱下，共聚溫馨時光。
野餐食物質素不馬虎，而且足夠四人家庭享用，更有應節復活蛋麵包。
草坪野餐樂
日期：4 月14至16日
時間：12:00-15:00
價錢：MOP 688/四位用
動手過節最開心
小朋友放假有得玩當然開心，但對家長而言，如果有嘢學又有嘢玩就更加好。以家庭式度假為主的金麗華酒店，在復活節亦推出多個合家歡活動。例如有甜品、曲奇、披薩及製作復活蛋的工作坊，又有烹飪班、烘培班，讓小朋友輕鬆愉快學習，一展所長。上完興趣班後，當然繼續大玩特玩，酒店亦備有多項活動及設施，如尋找復活蛋及充氣城堡，可以讓小朋友盡情揮灑汗水。另外，酒店更特別邀請到攝影公司M Club，設置臨時「攝影室」，只要在酒店消費，或參加兒童中心任何活動，就獲得一次免費拍攝服務。一家大細一齊揀選一張最滿意的攝影作品，再配上精美相框，為溫馨時光留下美麗的回憶。
小朋友參加甜品班，就可以跟主廚學習炮製甜品，發揮下廚天份。（相關機構圖片）
至於文靜的小朋友，亦可參加藝術手作班，陶冶性情。
復活節活動 星期日開開心心放復活蛋
日期：4月13至15日 日期：4月16日
價錢：MOP 135起 價錢：MOP 150起
闖入雪地夢工場
近日澳門突然回暖，天氣一下子又變得炎熱，令人懷念冬天的清爽涼風。但估唔到，在澳門威尼斯人仍有地方處於冰天雪地之中，皆因那裡正舉行《「體驗夢工場」冰之歷奇冰雕》展覽。作為亞洲最大型的室內冰雕展覽，華麗壯觀的夢幻冰雕皆出自中國哈爾濱的頂尖冰雕師之手，冰雕師將冰塊精雕細琢，成為數以千計、五光十色的冰雕藝術品。冰雕展正展出維妙維肖的《馴龍記》中的維京勇士、《荒失失奇兵》裡的搞笑班底、《魔髮精靈》、《古魯家族》、《功夫熊貓》和《史力加》等多個卡通人物。最引人注目的當然是《魔髮精靈》城堡，除了有奪目的彩燈配色外，各個精靈會在城門前恭候大家。城堡設有冰滑梯，一眨眼就可由城堡頂部滑到地面，十分刺激。除此之外，場外有不同主題的攤位遊戲，其中以《功夫熊貓》為主題的最吸引，讓小朋友可一展身手。
冰滑梯比起平時的滑梯更刺激外，坐落更有涼浸浸的感覺。（劉志衡攝）
獅子阿力和一班朋友本身住在動物園，唔知佢哋喺呢度住得慣唔慣呢？
龍戰士阿寶與一眾師兄弟已經擺好Pose，等候小朋友到來較勁。
info
日期：即日起至7月9日
時間：11:00-20:00
價錢：MOP 120/位
下載APP