超像真的1:1合味道模型。
將合味道杯麵完美拆解為超精細部位。
就連配料都超仔細!
平時食杯麵三分鐘就得,唔知砌要砌幾耐呢?
煮杯麵大家就煮得多,砌杯麵你又試過未?由日本模型公司「Bandai」推出的「1:1合味道杯麵模型」將杯麵完全解體,首先從杯麵的發泡膠杯已經拆成超多細件,再來麵餅亦分解成不同細節,就連配料都一粒粒超仔細,成功砌出完全就如真正的杯麵一樣,分分鐘呃到人!雖然售價為2,420日元比起能吃的杯麵貴得多,但當中精細的造工其實完全值得,砌完放在家作擺設一流。(文:梁嘉慧、圖:Bandai)