樂壇天后王菲將於本月30日喺上海舉行一場「幻樂一場」演唱會,內地騰訊視頻將進行全球直播。天后出山開唱,引嚟大批歌迷四圍扑飛,早前網上驚現黃牛飛票價炒到人民幣100萬,認真誇張。隨後,王菲經理人陳家瑛於微博出面打假,佢話:「關於近日有很多黃牛網站高價向歌迷兜售門票一事,在此特別提醒大家,千萬不要在這些網站上買票,慎防受蒙騙及假票。」
噚晚,負責演唱會門票嘅售票網站正式開始預售,每人限買兩張,仲要經過身份認證先可以購買。不過,開賣未夠一粒鐘,預售門飛已火速賣晒,非常搶手!對於王菲演唱會門票預售極速售罄,陳家瑛就话唔係清楚售票情況:「多謝大家支持。」問到反應咁熱烈會唔會考慮加場?佢話:「唔會加場,多謝!」