內地影星葛優被某旅遊網站壇自使用25年前嘅舊照，用嚟宣傳攬客。葛優一怒之下入稟北京海澱法院，要求索償40萬元人民幣（約澳門幣46萬）同公開道歉。據法庭文件顯示，該網站一共用咗18張葛優嘅肖像圖片，仲係上面加上字幕，以圖片配台詞嘅形式，借葛優之名去宣傳業務，極易誤導消費者，目前海澱法院已正式受理案件。
呢張被網站盜用嘅舊照可以話大有來頭，呢張相係葛優1991年演出嘅內地電視劇《編輯部的故事》中嘅一幕。當時仲係寂寂無名嘅葛優訓係沙發上休息，由於動作太搞笑，多年嚟一直被網民改圖同廣傳。後嚟呢個Pose更成為懶人標誌，被網民封為「葛優躺」。雖然葛優一直唔介意被網民惡搞，但對於網站壇自盜用照片作商業用途，佢就十分不滿，所以將對方告上法庭。
下載APP