阿仙奴今日英超作客米杜士堡,憑阿歷斯山齊士與奧斯爾兩大球星上、下半場各建一功,以2:1獲勝,全取三分,並保住爭入前四希望。
今仗開賽至42分鐘,阿仙奴終於打破缺口。阿歷斯山齊士在峨嵋月頂位置主射自由球,皮球彎過人牆入網,米堡門將巴特古辛完全來不及作出反應。半場領先1:0的阿仙奴,在下半場開波五分鐘就被扳平。達寧右路斬入禁區,哥斯尼飛盡出腳仍未能截下來球,結果尼格度衝前一「篤」,攻破施治的十指關。
阿仙奴於71分鐘再度取得領先優勢,山齊士傳入禁區,艾朗藍斯心口作二傳,奧斯爾順勢右腳一拉,巴特古辛再次束手就擒。
餘下時間,米堡未能再取得入球,最終阿仙奴順利維持2:1勝果。賽後阿仙奴以31戰得57分守住聯賽榜第六位,分別落後第四的曼城及第五的曼聯七分及三分,但比曼城少賽一場,爭第四仍未絕望。