王家衛於法國影壇地位崇高,曾奪過法國「康城影展」最佳導演獎,法國政府更頒授榮譽軍團騎士級勳章、司令勳章以表揚其佢對電影業嘅貢獻。噚日,有法國「金球獎之稱」嘅里昂盧米埃爾電影節(Lumière Film Festival),宣布將有終身成就獎之稱嘅盧米埃爾大獎(Prix Lumières)頒畀王家衛,對佢嘅創作同藝術風格嘅肯定。
「第九屆里昂盧米埃爾電影節」將於今年10月14日喺法國里昂舉行,大會官方網站宣布頒盧米埃爾大獎給王家衛時,幽默表示:「after all, dark glasses are undeniably classy」(畢竟,墨鏡是不可否認的經典)。該獎項曾頒給昆倫塔倫天奴(Quentin Tarantino)、馬田史高西斯(Martin Scorsese)同艾慕杜華(Pedro Almodóvar)等電影業者。得知獲得如此殊榮,王家衛回應話:「122年前,電影喺里昂誕生,今日喺同一個地方得到呢個榮譽,意義殊深,感謝盧米埃爾,感謝大家!」