對於現代人嚟講，耳筒（耳機）已經成為必不可少嘅「裝備」，休閒、娛樂、學習都離唔開佢，但係甚少人會對之加以清潔。有研究指，戴耳筒會阻塞空氣流通，令耳道變得又暖又濕，容易滋生細菌，而配戴一粒鐘可令耳內細菌量增加11倍。若戴上耳筒做運動，又熱又多汗，滋生嘅細菌就會更多，可能導致耳仔發炎，甚至中耳炎。另外，耳筒嘅軟膠，好易黐埋耳道內嘅耳屎、死皮細胞同細菌，真係好污糟；如想同人哋分享聽歌，應選用分插同朋友各戴一副，因為同他人共戴更易嘢細菌。因此，每周至少一次，用75%嘅酒精將耳筒抹乾淨，保持衞生。仲有使用耳筒嗰陣又要注意音量，若期間出現頭暈耳痛，代表聽力受損，應即刻除低耳筒。
如果能跟足以上指示，即可聽得輕鬆又放心。世界衞生組織（WHO）建議，每日使用耳筒時間最好唔超過一粒鐘。
下載APP