（徽徽新一年又有新聞喇！）
最近Instagram興起玩#10yearschallenge hashtag，就連不少藝人都玩埋一份。當中張繼聰也在個人Ig上載他十年前後的對比相，從阿聰Post的十年前後對比照片，明顯見到他已經由09年的瘦削身材搖身一變成大隻型男，他更留言：「好感激依十年，心境嘅改變比外表變化更大！」本來網民都只留言說他變得更Man，點知由梁烈唯改名做梁競徽的徽徽突然衝了出來，更自爆十年前他在TVB電視城被張繼聰無視的一幕。
徽徽在張繼聰的Ig上留言：「話說十年前我在TVB五廠外的走廊遇見你，當時係夜晚，而你帶住副黑超！我跟你友好點頭 say hi！但你不理我直接走過。」此留言一出，立即成為網民焦點，大家都食住花生指徽徽十分小氣，十年前的小事都記到現在，之後阿聰就回應：「咁明顯我視力有問題啦！」
然後，徽徽繼續發功：「當時我好難受！一直放了在心中，就算之後大家認識了我也沒有問你為何！但這些年我終於知道，當時的你正受著很多壓力！現在我更加知當時的你為何會這樣，我知道一定唔會係因為你串！所以現在看見你很有自信很有魅力，我真的很為你感到開心！同時也給了很多動力和信心給我，其實真係要感謝你！感謝你的分享！」可能阿聰唔知點回應，就只說了一句草草了事：「大家努力兄弟，應該純粹係發雞盲。」
（編輯：黎永樂 李倩瀅）
（張繼聰本來貼出「十年前後照」睇睇自己變化，點知被梁競徽話對方十年前唔同佢打招呼。）
下載APP