天氣開始轉涼喇,好多時候返到屋企,好想立即食一個令人滿足的熱辣辣豉油王炒麵,或者是食一碗熱騰騰自家粥。今次就為大家介紹「屋企牌」豉油王炒麵,以及一碗自家炮製薑蔥魚腩粥,豉油王炒麵其實煮起上來一啲都唔難,亮點在於自製蒜油上,加入炒麵,可令香氣立即「升呢」!至於薑蔥魚腩粥,煮粥呢,最緊要就係粥底靚!一碟豉油王炒麵送粥,零舍好味!
豉油王炒麵:
材料:
炒麵餅兩個
炒熟白芝麻適量
洋蔥半個;切絲
紅蔥頭2個;切絲
韭黃一束切段
蔥花適量
調味:
甜豉油6湯
匙ABC醬油2湯匙
蒜油2湯匙
做法:
1. 首先將炒麵餅,放滾水裡加鹽,煮至熟,過冷河代用。
2. 平底鑊放少少蒜油,炒香洋蔥、紅葱頭及韭黄至軟身。
3. 然後放入熟麵,加調味醬,改中小火炒到色水均勻,最後放上蔥花拌勻即可。
4. 將炒麵放入碗裡,然後灑上白芝蔴,再加些少蔥花裝飾。
薑蔥魚腩粥:
簡易食譜(二人分量)
粥底材料
米與水最理想黃金比例
兩杯米(約400g):4公升水
浸了最少兩小時的細乾貝絲數粒
雞湯250毫升
芹菜4條、切粒(最後10分鐘後下)
魚腩粥材料
以上粥底薑絲及蔥花適量
新鮮鯇魚腩 4至6片
鹽適量
薑汁(煮好後,才下)
做法:
1. 凍水落米及以上所有材料,煲滾後,改中火煮30分鐘,最後下芹菜粒煲10分鐘熄火,如果想粥底稀一點,可自行加水。
2. 煲好了粥底,將適量的粥另放小鍋煮滾,跟著放下魚腩、薑、蔥改成中細火,煮到魚肉變白,立即熄火。
3. 最後加上適量鮮榨薑汁、少少鹽調味,就可以裝上碗啦,吃得!
Hester Lam 作者簡介
更多美味食譜每日更新,有空來我的Facebook專頁「Lamlam脷美味生活」逛下喔!