成人限定!

1:1死侍頭像日日陪你鬥咀賤
13/07/2020
10152
收藏
分享

1:1比例「死侍收藏互動頭」收錄超過600句嘴砲台詞。

讓死侍溫柔的陪你入睡,然後輕輕的喚醒你。

拋起佢會發出「作嘔」聲。

有啲人會用「死剩把口」嚟形容口多多人士,但都不足以形容萬威(Marvel)旗下嘅「死侍」(Deadpool),事關擁有不死身嘅佢,就算「死剩個頭」把口都仲係唔識得收,粗口爛舌兼且串串貢。想感受一下呢位惡棍英雄有幾煩有幾串咀?而家可以畀你帶佢返屋企,日日陪你鬥咀賤。(文:黃琪 圖:互聯網)

由Marvel創作的超級英雄,自從電影大受歡迎後,就一直被瘋狂商品化,所有與《復仇者聯盟》有關的角色,無論是Ironman、美國隊長、雷神等,只要印有其圖案或標誌的產品都必然大賣。至於比較冷門的「死侍」是漫威漫畫中的虛構人物角色,最初的死侍是一個超級惡棍,後來慢慢變成更受關注的惡棍英雄。死侍是一個已經毀容的僱傭兵及刺客,卻擁有超強的自癒因子和超人的身體素質等能力,令他擁有不死之身。由於他不斷愛開玩笑的風格,特別是他擅長打破「第四面牆」以製造幽默,使他獲得了一個「嘴炮傭兵(Merc with a Mouth)」的綽號。

死侍聲音神還原

孩之寶(Hasbro)最近便為死侍推出一款讓人哭笑不得的收藏——1:1比例頭像,無錯,剩係得個頭!唔好睇少呢個頭,為將呢位點都打唔死嘅嘴砲英雄魅力忠實呈現,生產商特別找來聲線接近現實電影男演員Ryan Reynolds的配音員,錄製超過600種以上嘅毒舌金句同埋聲效,彷彿死侍真實活在你身邊,小心無時無刻都被煩死或激死。

頭像帶有多個感應器,能夠對光線、聲音,甚至拍打、倒立等作出反應,可以發掘不同的惡搞玩笑。

死侍人頭亦可透過手機APP操控講出你心水金句。

「表情」多多無限互動

死侍頭像唔單止口多多,表情更十分豐富,雖然戴上頭套,但一雙純白眼珠卻十分有戲,配合不同金句會有相應的眼神郁動,逼真傳神。不單止咁,頭像帶有多個感應器,能夠對光線、聲音、甚至拍打、倒立等作出反應,同佢鬥嘴當然冇問題,試想像下將個「死人頭」……呀!唔係,係死侍頭像放入雪櫃,然後叫老媽子幫你攞罐可樂;又或者深夜時分將個頭放在廁板上面,睇下邊個半夜起身去廁所兼開燈……覺得無聊?不如試下當個頭係鬧鐘,包保你唔會賴床不起。

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

其他專欄資訊

相關資訊推薦

找不到相關內容

七日預報