梁漢文宣布成功入紙於10月開紅館演唱會。（梁漢文facebook圖片）
梁漢文食炸雞腿慶祝10月開騷，心情非常興奮。（梁漢文facebook圖片）
梁漢文（Edmond）今日（28日）在社交網上載了新片，並且宣布好消息：「YEAH！公司通知我，已經定好今年10月尾會喺紅館開我第五次個人演唱會！我會唔會係香港第一個歌手喺紅館開返演唱會呢？大家同我一齊集氣，10月尾生活回復正常。」Edmond更相約粉絲10月可以在香港紅館相見！
為慶祝宣布開騷喜事，他決定要食好嘢去慶祝一下！片中見他去到超市掃薯片，再到小食店揀了墨魚、生腸，還見他食炸雞腿食得勁滋味，看來心情相當興奮！Edmond接受媒體訪問時表示：「好開心，我覺得我哋應該抱住正能量去繼續生活，唔可以因為疫情就好似世界停頓咗咁一樣，所以當初公司同我商量話想入紙，我都好贊成，行咗先，做咗先，咁紅館又批咗，就當一切正常努力籌備一個精彩騷等大家，等疫情過去，不過依家咩都未定㗎，只係定咗個期，呢排咪開始約開會籌備，重有錄緊新歌。」問他會否有信心堅開得成？Edmond表示：「當然公司都做好兩手準備，如果到時疫情真係大爆發，就會另有安排。」（編輯：黎永樂）
下載APP