今年年初,劉德華(華仔)於泰國拍攝廣告時墮馬受傷,住院治療近兩個月後,已出院回家休養。今日,華仔經理人公司發表聲明,宣布華仔原定於年尾舉行嘅個唱取消,並解釋:「劉德華先生目前進入復健階段,依據醫療團隊的建議,未來一年是非常重要的階段,所以決定取消年尾的演唱會計劃。至於未來工作項目計劃,將依復健康復進度及醫生指示再做安排。」
隨後,華仔亦於官網發表公開信,佢以「親愛的,不急」為題,透露每日都會練習企起身同行路,就算只係得十次,每個練習每次只有十分鐘,但對佢嚟講都係好重要。對於取消年尾嘅個唱,華仔安撫粉絲話:「我不急,家人不急,所有人不急,面向健康的目標,我眼神是堅定的。」其實華仔受傷之初,曾十分堅持年底嘅個唱,最終做出呢個決定,相信係華仔經過深思熟慮嘅結果。