冬至、聖誕兩大中西大節接住來臨,過時過節,當然要約齊親朋好友密密食慶祝。過節想覓食來友邦廣場(AIA Tower)就完全無難度,皆因這裡有齊中西美食,無論想食聖誕大餐、日式料理,還是鮑參翅肚盛宴,通通都可以滿足。
聖誕大餐配靚景
相約情人慶祝佳節,最緊要氣氛好,位於21 樓的Sky21,可以360度欣賞澳門景色,睇住靚景食聖誕大餐,氣氛點會唔好。Sky21推出的聖誕晚膳套餐,備有四道精緻菜式,以意式M7生牛片配冬陰醬及松露黑醋汁作為前菜、還有南瓜濃湯,主菜則可四選一:慢煮鹿肉柳配砵酒汁、蟹肉意大利飯配龍蝦泡沫、酥皮三文魚配香檳汁和日式烤黑毛豬配甘薯蓉,最後以車厘子法式燉蛋甜蜜作結。
Sky21
電話:+853 2822 2122
蟹肉意大利飯配龍蝦泡沫
慢煮鹿肉柳配砵酒汁
酥皮三文魚配香檳汁
車厘子法式燉蛋
套餐更有精選香檳無限暢飲,以微醺加持。套餐只於12 月24及25日供應,每位澳門幣580 元起,記得提早訂位啦。
甜甜蜜蜜過佳節
聖誕佳節當然要過得甜甜蜜蜜,見到精緻又好味的甜品,就更覺窩心。日式西餐廳Pokka Café的甜品出名精緻又創新,而且店裡的甜品大部分材料如吉士醬、格格多士及窩夫都是自家即叫即製。
不論是綠茶格格多士伴雪糕、香蕉窩夫朱古力雪糕新地或層次豐富的士多啤梨芭菲,其賣相都非常繽紛,絕對滿足你的少女心!而且甜品份量頗大,最啱同閨密分享。至於其他特色主菜如香燒鮮蝦煎意大利飯,芝士意大利飯煎成外脆內軟再配上老虎蝦;紐西蘭特級羊扒,香煎至三成熟,肉質軟嫩,亦是不錯的應節菜式。
Pokka Café
電話:+853 2872 5860
紐西蘭特級羊扒 MOP 198
香燒鮮蝦煎意大利飯 MOP 118
香蕉窩夫朱古力雪糕新地 MOP 68
士多啤梨芭菲 MOP 55
綠茶格格多士伴雪糕 MOP 78
假日首選下午茶
一連數天的長假期,睡到自然醒是指定動作,一起身,午餐時間剛過又未到晚餐時段,最好就是歎個下午茶。主打台式新派菜的Café E.S. Kimo,節日期間起推出超抵食的下午茶套餐,包括豬扒包拼薯條、厚切餐肉蛋湯丁、星洲炒米和單骨雞翼拼薯條等十款套餐,而且每款套餐連指定飲品一杯都只係由澳門幣28元起,豐富又抵食!同朋友歎個茶,hea一個下午,再去附近的光影節打個卡,活動一下就差不多可以進食下一輪的節日大餐啦。套餐優惠時段為下午3 時至6 時,只限堂食。
Café E.S. Kimo
電話:+853 2841 6888
單骨雞翼拼薯條 MOP 33
豬扒包拼薯條 MOP 28
套餐所配的指定飲品包括:(左起)冰綠茶、凍奶茶、檸檬綠茶及蜂蜜綠茶。亦可加澳門幣8元轉其他飲品。
厚切餐肉蛋湯丁 MOP 32
星洲炒米 MOP 33
極上刺身密密食
日式料理餐廳和花亭在今個聖誕期間推出極上刺身盛合,超豪華的拼盤囊括多款日本直送的當季海產,其中一整尾的肥美池魚,製成刺身食用,鮮甜又充滿油脂甘香。又有一整板的馬糞海膽,份量足有80克,海膽控不可錯過。鱈場蟹腳亦非常鮮甜飽滿,其他刺身還有油甘魚、牡丹蝦和帆立貝等等,種類豐富,滋味無窮。一個盛合不夠,推薦火炙壽司盛合,有齊赤蝦、鰻魚和加拿大牛等壽司。食不停口也不膩,一次滿足多個願望。
和花亭
電話:+853 2875 1089
火炙壽司盛合 MOP 128
炸芝士蟹籽豆腐 MOP 78
極上刺身盛合 MOP 899
極上刺身盛合中就包括一整板的馬糞海膽,超鮮味。
過節聚餐食盆菜
有沒有想茶記都可以食盆菜和打邊爐? AIA的德仔記茶餐廳有別於一般茶餐廳,夠晒有特色,除了樓底高夠開揚坐得舒服,更有可事先預訂的私房菜。
德仔記最出名的明爐燒味,出色就不在話下。今次趁節日期間就大推富貴發財盆菜和龍蝦雞煲,盆菜夠晒大堆頭,有原隻七頭南非鮑魚、海參、花膠、瑤柱、切雞和燒腩肉等等材料,豐盛又喜慶,一大班人食就最適合。龍蝦雞煲更是抵食,原價要澳門幣500元,現時特價只需250元,就有原隻波士頓龍蝦和鮮雞,還有其他海鮮作配料,天氣漸涼,打邊爐是時候啦。
德仔記
電話:+853 2832 3163
富貴發財盆菜 MOP 1,088/ 6 位用,MOP 1,988/ 12 位用
德仔記掛爐燒鴨 MOP 70/ 例 脆皮燒肉 MOP 70/ 例
龍蝦雞煲 MOP 250
歎星級粵菜點心
位於AIA地下的米芝蓮一星中菜食府帝皇樓,一定是冬至與家人聚餐的首選,帝皇樓由總廚羅國華師傅主理,加上連續幾年入選米芝蓮的推薦,出品有保證。其點心款式多又精緻,帝皇鮮蝦餃、瑤柱豆苗餃、香煎蘿蔔糕和蒜茸蝦春卷等都是必點,想食得豪氣,鮑參翅肚就唔少得,魚翅釀鳳翅,將雞翅去骨後釀入滿滿的魚翅,夠晒矜貴。花膠杏汁燉豬肺湯,花膠超厚身,加上杏汁和豬肺,湯頭呈奶白色,夠晒滋補養顏。上湯鳳尾蝦亦非常推介,原隻大蝦釀以鮮蝦滑,爽口彈牙。
帝皇樓
電話:+853 2875 7218
上湯鳳尾蝦 MOP 198
(左上)帝皇鮮蝦餃 MOP 36、(右上)瑤柱豆苗餃 MOP 48、(下)魚翅釀鳳翅 MOP 280/隻(需預訂,每兩隻起)
(左)蒜茸蝦春卷 MOP 48 香煎蘿蔔糕 MOP 48
花膠杏汁燉豬肺湯 MOP 198/ 每位