內部有多個卧室展示空間。
此為澳門首間分店及亞洲首間不設單向動線規劃的門店。
澳門首間IKEA在今（23）日終於開幕喇！地點位於氹仔星皓廣場1樓及2樓，擁有90,000平方呎超大面積。相信大家都好想即刻衝去觀摩，不過由於疫情關係，想入場的人都要預先網上登記，目前至5月6日都已經預約爆滿，仲未登記的人唔洗擔心，呢篇開箱文一定暫時幫你解到癮，而且仲有必買產品推介，咁就唔驚去到無目標喇~（文：馬曉珠，圖：李浩遠）
來到IKEA開幕第一日，門口陸續都有已登記的市民入場，而入場前亦要填好健康申報表和測量體溫。由於這裡每日都有4個時段限制入場人數，所以大家不用擔心會有逼爆情況，可以盡情地慢慢逛。過往大部分的IKEA均採用單向動線規劃，不過這間門店則打破慣例，成為澳門首間分店及亞洲首間不設單向動線規劃的門店，讓大家可以自由進出。場內劃分多個區域，包括廚具、床具用品、兒童用品、梳化等，區區貨品花款超多，保證大家的選擇困難症發作。如果唔知點揀好，不妨跟住小編的推介清單執貨喇！
磁性隔熱墊（紅/深灰色） MOP63
無論是鋼或鐵的煮食器具，均能吸附底部，絕對不會移位。
碗具亦是必入手小物，色彩繽紛顏色用住佢嚟食飯都開心啲，更可放落微波爐和洗碗碟機。
超過80款的床笠和被套多到你唔識揀。
棕熊(左/右) 大笨象(中)
一度爆紅的大肚腩厭世熊抱起來軟稔稔，非常好摸，兩款動物都好得意。
衣服組合櫃
大家可以自由配搭，設計一個啱心水的組合櫃。
.
INFO
地址：澳門氹仔廣東大馬路星皓廣場1樓及2樓
分店營業時間：星期一至日及公眾假期10:00am-10:00pm
咖啡室營業時間：星期一至五: 10:00am-9:00pm
星期六、日及公眾假期: 9:00am-9:00pm
交通：巴士11、30、30x、35、36、37、MT2、H3、N2、N5、N6
下載APP