陳奕迅(Eason)憑歌曲《四季》,喺叱吒樂壇頒獎禮奪得「至尊歌曲大獎」。當晚Eason忽然空降頒獎禮,為觀眾帶嚟驚喜。不過,喺獻唱得獎歌曲時,Eason罕有兩度失準忘詞,令場面有啲尷尬。日前,Eason接受電台訪問,佢多謝粉絲一直以嚟對自己嘅支持,並為當晚兩度忘詞解畫:「本來首歌唔係我嘅,我係三年前錄咗之後未唱過,所以今次係直情炒粉,唔止甩咗少少。」
Eason話當日啱落機就趕去頒獎禮,所以渾渾噩噩,佢自嘲話:「如果想聽完整版本可以聽碟,如果想睇Drama就睇頒獎禮嘅表演。」Eason透露嚟緊會籌備新歌, 但唔一定喺廣東歌:「做音樂未必喺要咩語言,而喺有咩想講,今次好有機會喺國語碟,因為同廣東碟梅花間竹咁出。」問佢有冇計劃再度開唱,Eason話:「會暫停,呢幾年都係做啲幾萬人嘅場,所以想做番啲細場,甚至想去學校唱。」