造型同膠水一樣,一不小心可能會用錯呢。
輕輕一按蜜糖輕易擠出。
用來塗麵包超方便。
生活最緊要方便,而日本就經常都會推出好多創意又方便的懶人恩物!近期日本設計公司「Heso Production」就與日本知名膠水「アラビックヤマト」合作,推出一款「膠水蜜糖筆」,將加拿大蜂蜜直接裝入膠水瓶內,用法就同大家平時用膠水一樣,直接塗在想塗的食物上即可,超方便之餘分量又易控制,不怕一不小心就塗太多,輕巧又方便啊!膠水蜜糖筆售價為800日圓,第時去日本不妨入手一枝。(文:梁嘉慧、圖:Heso Production)