走在澳門，街頭小巷卧虎藏龍的美食店舖何其多，不過想要深入探索本地正宗老味道，不顯眼的街邊小檔絕對是正確目標。今次一於帶大家品嘗綿滑靚粥和足料鮮蝦雲吞麵，兩間老字號屹立街頭數十年人氣依舊，絕對是實力的最好證明！（文：馬曉珠 圖：張庚睿）
拒絕隔夜貨 每碗足料到瀉早上來一碗熱辣辣的生滾粥是不少人至愛的早餐選擇，位於營地大街就有一間超人氣粥品檔「成記」，檔舖位置處於巷口，地點隱蔽，大家尋找時可要花點眼力。由早上六點開舖就有不少街坊晨早幫襯，加上檔內特設的座位不多，基本上下午一點左右粥品便全部售罄，若是來晚了分分鐘空手而回。「成記」最早時以挑擔形式在附近售賣，柴魚花生粥、綠豆沙、湯丸等都是當時起家出品，後來才搬至現址開始夜粥生意，由崔師傅和其家人一手打理，直至70年代末才由其女婿龍哥和龍嫂打開早市粥品門路，一做就是40幾年，每天凌晨四點起身，備料、煲粥早已是他們的日常。店內推薦必試「綜合粥」，綿滑的粥底至少煲足三小時，而且選用泰國香米熬煮，粒粒分明。性格好客的龍哥落料當然也是毫不手軟，價錢貼地、出品高質，回頭客極多。
「綜合粥（MOP 33）」
全餐配料有豬潤、肉丸、粉腸、豬肚和魚片，落料重手。
「艇仔粥 （MOP 25）」
食材不用隔夜貨，啖啖新鮮。
粥底至少煲足三小時，非常綿滑。
粥檔人氣十足，想食一定要提早到！
龍哥和龍嫂夫妻檔拍住上，一做就是40幾年。
皮薄餡靚 貼地價賣足幾十年
想吃靚雲吞，位於渡船街的「文記」必定是吃貨們公認的佳品，檔口逢晚市才營業，極快便現起排隊人潮，可想而知實力亦是不容小覷！一粒大雲吞如半隻掌心般大小，咬開裡面竟然藏有三隻新鮮靚蝦，而且雲吞皮多年來堅持只選用同一家的靚薄皮出品，認真名副其實的皮薄餡靚，夠晒足料。來幫襯的客人大部分都會必點雲吞麵，一碗36蚊的價錢內有五粒雲吞，價格絕對極親民。老闆提到好吃的秘訣最重要還是選料新鮮，絕不能用隔夜貨影響口感和味道，而鮮蝦雲吞包餡時只用了簡單的胡椒粉和鹽等調味料，從而提升鮮味。幾十年來的創業心血，隨著老闆年紀愈來愈大，他希望日後能將檔口繼續傳承下去。
「雲吞麵 （MOP 36）」貼地價錢內有五粒雲吞，每粒如半隻掌心般大小。
（左起）「北菇雞翼麵（MOP 36）」也是人氣必點款之一；
「魷魚菜（MOP 40）」魷魚爽口彈牙，份量多到吃不完。
老闆獨自創立檔口起家，多年來堅持選用新鮮足料食材，受到不少街坊歡迎。
下載APP