由鄭詩君（C君）、黃紫恩及謝嘉怡主持的遊戲問答資訊節目《咁你都唔識》，明晚（4日）播出的一集《咁你都唔識》，邀得的嘉賓全部來自《中年好聲音》，包括支嚳儀與顏志恒、魏嘉信與林鉫徫及相識16載的好友周吉佩與曹敏寶。
C君自爆在第一個主持的TVB節目中，曾訪問過吉吉，二人相當有淵緣。雖然吉吉與敏寶感情要好是公開事實，但二人甫出場即瘋狂鬥嘴，敏寶更向吉吉下戰書：「我長期處於一個下靶位，今次我應該會還佢幾招。」可惜寶寶全程「講多錯多」，遭吉吉連番割蓆：「我見到佢揀呢個答案，我就知道呢個人冇乜文化」，更一度嬲到成個彈起：「乜嘢呀，唔好再講嘢喇你！」而敏寶則一味掛住笑，二人甚有化學作用。
另一驚喜位則落在魏嘉信身上，?來他是「冷笑話」高手，出場時揚言：「贏唔到我哋唔姓陳！」由於他與鉫徫都不是姓陳，擺明搞Gag。之後，嘉信答問題時亦令Ｃ君聽至雙眼發光，並甘拜下風謂：「你直頭係嚟破解我哋嘅遊戲，知識推理智慧王！佢呢啲智慧唔係假，係『真智慧』（音：曾志偉）。」至於支支則繼續「唱歌成癮」及大拋英文生字，出場時又大擺「鬥雞眼」表情，相當搶焦。 （編輯：游子欣）
正式玩遊戲時由於敏寶嘅「CS指數」（Common Sense）異於常人，吉吉即時搞笑地劃清界線。（相關機構圖片）
（左起）支嚳儀與顏志恒。（相關機構圖片）
（左起）魏嘉信與林鉫徫。（相關機構圖片）
C君聽到嘉賓們嘅答案都心服口服，大讚是「真智慧」（曾志偉）。（相關機構圖片）
下載APP